Авд дзуары, суаргуырæнтæ æмæ комфорт: цæмæй æлвасы йæхимæ Згъубиры донхосгæнæндон

© Sputnik / Наталья АйриянДонхосгæнæндон
Донхосгæнæндон - Sputnik Хуссар Ирыстон
Рафыссын
Хосгæнæн пансионат æрбынат кодта Леуахийы донгуырæнмæ хæстæг. Улæфæндоны ис 8 бынаты, интернет, бастдзинад, сæрмагонд къæбиц, камин, хъармгæнæн системæ æмæ æндæр фадæттæ

ЦХИНВАЛ, 13 мар — Sputnik, Плиты Фатимæ. Хуссар Ирыстоны Дзауы районы Згъубиры хъæумæ хæстæг уалдзæджы райдайæны йæ дуæрттæ бакодта республикæйы æртыккаг донхосгæнæндон. Сабырдзинады æмæ хорз уавæрты баулæфынæй дарддæр ма ам хоскæнæн ис артроз, диабет æмæ цармы кæцыдæр низтæн, иу æхсады фæстæ сæрæй фæтары вæййы себорея, уырнын кæны йæ бардарæг Босыкты Владимир.

© Sputnik / Наталья АйриянДонхосгæнæндон
Авд дзуары, суаргуырæнтæ æмæ комфорт: цæмæй æлвасы йæхимæ Згъубиры донхосгæнæндон - Sputnik Хуссар Ирыстон
Донхосгæнæндон

Хосгæнæн пансионат æрбынат кодта Згъубиры хъæуы цур Леуахийы донгуырæнмæ хæстæг. Ӕвæрд у денджызы æмвæзадæй 1 550 метр бæрзонддæр, температурæ та зынгæ ныллæгдæр столицæйæ. Пансионаты ис 8 бынаты, интернет, бастдзинад, сæрмагонд къæбиц, камин, хъармгæнæн системæ.

"Кæд пансионатмæ адæм цæуой, уæд æй ноджы рауæрæхдæр кæндзынæн", - дзуры Босыкты Владимир.

Хосгæнæн процедурæтæ цæуынц цалдæр минералон доны гуырæнæй – душ исынц минералон дон "Аландон"- ы суадонæй, ваннæтæ та сты æндæр гуырæнæй, уымæн дæр йæ диссаджы æууæлтæ сфæлвæрдтой адæмыл.

© Sputnik / Наталья АйриянДонхосгæнæндон
Авд дзуары, суаргуырæнтæ æмæ комфорт: цæмæй æлвасы йæхимæ Згъубиры донхосгæнæндон - Sputnik Хуссар Ирыстон
Донхосгæнæндон

"Улæфджытæ душ исынц "Аландонæй", уый ахъаз у цармы низтæн, нуазгæйæ та игæр æмæ уыргтæн. Ваннæтæ та исынц æндæр донæй, кæцы ахъаз у æрхæджыты низтæн - артроз, артрит æмæ варикозæн. Ацы низтæн дон кæй æххуыс кæны, уый сбæлвырд кодтон адæмыл фæлваргæйæ", - загъта Босыкты Владимир.

Хосгæнæндонæй 200 метр фалдæр дæлвæзы зæххы бынæй абухынц æндæр æмæ æндæр ад æмæ æууæлтимæ донгуырæнтæ, уыдонæн сæ фадæттæ нырма не ʻсты ахуыр.

"Иу дон сахуыр кæнынæн хъæуы 80 мин сомы, ахуыртæ саразтон æрмæстдæр донрауагъдад цы суадонæй сарæзтон уымæн. Хосгæнæн дон цæуы Кавказы хохырагъæй æмæ йæм никæцы дон хæццæ кæны", - бафтыдта уый.

Меценат балæвар кодта Къуаисайæн донхосгæнæндон - Sputnik Хуссар Ирыстон
Меценат балæвар кодта Къуаисайæн донхосгæнæндон

Хосгæнæндонæн йæ алыварс ис цымыдисон бынæттæ – километр дарддæр ис хъæу Згъубир, зымæг ма уым цæры æрмæстдæр æртæ хæдзары, сæрд баавд вæййынц. Раздæр ам цард цыппар мыггаджы – Саулохтæ, Сиукъатæ, Абайтæ, Дзаттиатæ. Ныр дæр ма къуылдымæй фæлгæсынц мыггаджы фидары кæлæнтæ.

"Гуырдзы æрвылаз арæзтой æрбабырсттæ хохæгты басæттыны оххыл - цæмæй истаиккой хъалонтæ, кодтиаикой сæ æфсадмæ. Ӕрмæстдæр иу хатт Челиаты ком бацахстой – инæлар Ренненкампфы стыр экспедицийы рæстæджы", - радзырдта уый.

Ацы бынæттæ чи бауарзта, уыдон уырнын кæнынц, ам доны тых бынаты кæй бадывæр вæййы, уымæн æмæ хъæуы алыварс хæхтыл ис авд дзуары.

"Нæ алыварс хæхтыл ис кувæндæттæ. Иу фарсæй фæлгæсы зæдбадæн – Бурхох, стæй ма Уæлхъæуы дзуар, Уастырджыйы кувæндон, Цæгаты дзаур, Реком, Дуарау дзуар æмæ Сызгъæрин дзуар", - ранымадта Владимир.

Ивгъуыд къуыри улæфæндон райста йæ фыццаг улæфджыты. Цинвалæй ардæм фæуазæг сты Уалыты Ибрагим йе ʻмкъай Хъоцыты Галинаимæ. Нæлгоймаг хъæрзыд йæ къæхтæй.

© Sputnik / Наталья АйриянСуар
Авд дзуары, суаргуырæнтæ æмæ комфорт: цæмæй æлвасы йæхимæ Згъубиры донхосгæнæндон - Sputnik Хуссар Ирыстон
Суар

"Цæгат Ирыстоны цыдæриддæр хосгæнæндæттæ ис, уыдоныл æрзылдтæн. Ам фыццаг фæцыд мæ зæрдæмæ йæ бынат, стæй мæ æртыккаг бон къæхты рыст суагъта. Ӕвæццæгæн, æххуыс кæны дон дæр æмæ дзуæрттæ дæр, чысыл фалдæр та алкæцы дыууæ метры дæр абухынц минералон суæрттæ", - загъта Уалыты Ибрагим.

Йæ ныхæстæм гæсгæ, уый ныр фæсарæйнаг хосгæнæндæттæм йæ къах дæр нал авæрдзæн.

"Турчы ма мæн ныр цы хъуыддаг ис, ам бынæттон лæппу мæнæ диссæгтæ куы сарæзта. Ваннæ иу донæй, ныуазгæ дыккагæй, душ æртыккагæй, мæ къухтæ та æндæр донæй ахысын, стæй иу сахаты цыд у горæтæй. Ис ма дзы парилкæ дæр. Мæхи фондзстъалыйон уазæгдоны хатын. Иу дзырæй, ноггуыры хуызæнæй аздæхдзæн", - бафтыдта уый.

Босыкты Владимир нырмæ дæр нæ республикæйы зынгонд уыд, куыд минералон дон "Аландон" уадзæн куыстуаты сæргълæууæг. Цалдæр азы размæ уый Згъубиры суаргуырæны бындурыл бакодта ацы куыстуат, паддзахадæй кредит райсгæйæ. Йæ саразыны фæнд та йæм фæзынд, Згъубиры суарæй цалдæр азы размæ Пятигорскы курортологийы зонад-иртасæн институтмæ иртасынмæ куы ахаста æмæ йæ анализтимæ куы базонгæ, уый фæстæ.

© Sputnik / Наталья АйриянЗгъубир.
Згъубир - Sputnik Хуссар Ирыстон
1/5
Згъубир.
© Sputnik / Наталья АйриянДонхосгæнæндон
Донхосгæнæндон - Sputnik Хуссар Ирыстон
2/5
Донхосгæнæндон
© Sputnik / Наталья АйриянУалыты Ибрагим
Уалыты Ибрагим - Sputnik Хуссар Ирыстон
3/5
Уалыты Ибрагим
© Sputnik / Наталья АйриянЗгъубир.
Згъубир - Sputnik Хуссар Ирыстон
4/5
Згъубир.
© Sputnik / Наталья АйриянЗгубир.
Михаил - Sputnik Хуссар Ирыстон
5/5
Михаил
1/5
Згъубир.
2/5
Донхосгæнæндон
3/5
Уалыты Ибрагим
4/5
Згъубир.
5/5
Михаил
Ног хабӕртты лентӕ
0