04:18 31 ЗÆРДÆВÆРÆНЫ МÆЙ
 2020
Комкоммӕ эфир
  • EUR78.55
  • USD70.75
Спорт
Чысыл дӕнцӕг
30 0 0

Цхинвалаг боксер ахызт Уæрæсейы фыццагады финалмæ, æртæ боксеры ныддæрæнгæнгæйæ

ЦХИНВАЛ, 26 мар — Sputnik, Плиты Фатимæ. Хуссарирыстойнаг боксер Ӕлборты Сослан къуырисæры стох кæндзæн Уæрæсейы тыхджындæр боксеры номыл. Уæрæсейы фыццагады финалы фембæлдзысты цхинвайлаг боксер æмæ мæскуыйаг спортсмен Хабибула Гусейнов, фехъусын кодта Sputnik спортсмены тренер Хаситы Владислав.

Боксæй Уæрæсейы фыццагадмæ 50 кг уæзы ахызтысты 18 спортсмены, уыдон се ʻппæт дæр сты регионалон ерысты уæлахиздзаутæ.

"Сослан рамбылдта æртæ ныхмæлæуды. Хуыцаубоны уый ныддæрæн кодта Дагъыстайнаг лæппуйы 5:0 хыгъдæй. Къуырисæры финалы Сослан тох кæндзæн мæскуыйаг спортсмен Хабибула Гусейновимæ. Тох у фидар ныхмæлæууæгимæ, фæлæ нын ис хорз фадæттæ. Ӕнхъæлмæ кæсæм æрмæстдæр уæлахизмæ", — тренер Хаситы Владислав.

Ӕлборты Сослан боксмæ цæуы цыппар азы, Цхинвалы йæ цæттæ кæнынц Хаситы Владислав, Санахъоты Аслан, Гæбæраты Гамлет æмæ Цоциты Эдгар. Ерысты хъахъхъæны Цæгат Ирыстоны спортивон кад.

Сӕйраг темӕтӕ