10:50 18 КÆФТЫ МÆЙ
 2018
Комкоммӕ эфир
  • EUR75.65
  • USD65.40
Гасситы Сослан

Гасситы Сослан райста балцæг Европæйы чемпионатмæ

© Sputnik / Фатима Плиева
Спорт
Чысыл дӕнцӕг
85 0 0

Цхинвалаг æрмхæцæг Уæрæсейы чемпионаты ссис æртыккаг карз конкурентон уавæрты - 90 кг уæзы тох кодта 38 спортсмены, сæ фылдæр профессионалты ʻхсæн Уæрæсейы æмæ дунейы чемпионтæ

ЦХИНВАЛ, 30 мар — Sputnik, Плиты Фатимæ. Цхинвайлаг æрмхæцæг Гасситы Сослан æппæтуæрæсейон ерысты карз конкуренцийы уæвæрты рамбылдта балцæг Европæйы чемпионатмæ, фехъусын кодта Sputnik спортсмены тренер Джиоты Валерий.

Гасситы Сослан ацы уалдзæг 90 килограммы уæзы категорийы рахызт фæсивæдæй хистæр кармæ. Йæ дебют разынд æнтыстджын – Уæрæсейы чемпионаты призер суæвгæйæ, уый ныр та архайдзæн Европæйы чемпионаты, кæцы ацæудзæн майы Болгарийы.

Гасситы Сосланы тох

"Сослан Уæрæсейы чемпионаты дыууæ къухæй тохты иумæйаг хатдзæгмæ гæсгæ ссис æртыккаг. Хорз стох кодта, йæ уæзы (90кг) уыд 38 спортсмены. Финалмæ ахизыны сæраппонд уый цыппар уæззау тохы ауагъта дунейы цыппар хатты чемпион, Европæйы фондз хатты æмæ Дунейы кубокы хицау профессионалты хсæн Артем Тайновимæ æмæ йæ рамбылдта. Уымæ гæсгæ, финалмæ бацыд тынг фæлладæй, æмæ та йæм уым дæр æнхъæлмæ каст дунейы чемпион", — радзырдта тренер.

Уæрæсейы чемпионат цыд Мæскуыйы областы, уым тох цыд канд турниры призтыл нæ, фæлæ ма Европæйы чемпионатмæ балцæгтыл дæр.

Гасситы Сослан Цхинвалы цæттæ кæны тренертæ Джиоты Валерий æмæ Болататы Владимиры къухдариуæгады бын. Йæ фыццаг тренер уыд Коцты Дмитрий.

Сӕйраг темӕтӕ