04:35 14 ЦЫППУРСЫ МÆЙ 2018
Комкоммӕ эфир
  • EUR75.39
  • USD66.26
Хуссар Иры милицийы кусджытӕ хайад исынц мини-футболӕй турниры

Хуссар Иры милицийы кусджытӕ хайад исынц мини-футболӕй турниры

© Пресс-служба МВД РЮО
Спорт
Чысыл дӕнцӕг
6 0 0

Хуссар Ирыстоны сбӕрӕг кӕндзысты хуыздӕр командӕ республикӕйы мидхъуыддӕгты министрады хайадты ӕхсӕн

ЦХИНВАЛ, 9 окт — Sputnik. Хуссар Ирыстоны столицӕйы райдыдта турнир мини-футболӕй республикӕйы Мидхъуыддӕгты министрады (МХМ) хайадты кусджыты ӕхсӕн, хъусын кӕны уагдоны пресс-службӕ. Ерысты, кӕцытӕ уагъд цӕуынц сывӕллӕтты спортивон скъола "Фыранк"-ы базӕйыл, хайад исынц ӕхсӕз командӕйы.

"Командӕтӕ хъазынц зылдон системӕмӕ гӕсгӕ. Хъазт цӕуы дыууӕ таймы, кӕцыты дӕргъ у фӕйнӕ 20 минуты. Ӕмхуызӕн очкотӕ куы сисой командӕтӕ, уӕд кӕсдзысты кӕрӕдзиимӕ хъӕзтытӕм", — радзырдта милицийы хайады хистӕр Джиоты Созыр.

Турнир цӕудзӕн цалдӕр боны, йӕ уӕлахиздзауты схорзӕхджын кӕндзысты кубоктӕ ӕмӕ дипломтӕй.

Уагдоны бафтыдтой, зӕгъгӕ, турниры нысаниуӕг у мини-футболы популяризаци, афтӕ ма мидхъуыддӕгты органты кусджыты физикон цӕттӕкӕнынад ӕмӕ ӕнӕниздзинад сфидар кӕнын.

Сӕйраг темӕтӕ