10:37 19 ХУРХÆТÆНЫ МÆЙ
 2019
Комкоммӕ эфир
  • EUR72.23
  • USD64.34
Коцты Тамерлан

"Ӕнтыстджын аз": Хуссар Иры хъӕбысӕйхӕцджытӕ хайад райсдзысты Европӕ ӕмӕ дунейы ерысты

© Sputnik / Наталья Айриян
Спорт
Чысыл дӕнцӕг
10 0 0

Спортсментӕ хайад райсдзысты дунейы егъаудӕр турнирты Уӕрӕсейы командӕйы сконды

ЦХИНВАЛ, 3 июн - Sputnik, Гӕбӕраты Элина. Ӕртӕ хуссарирыстойнаг хъӕбысӕйхӕцӕджы сӕрды хайад райсдзысты Европӕ ӕмӕ дунейы фыццагадты уӕгъдибар хъӕбысхӕстӕй, фехъусын кодта пресс-конференцийы Цхинвалы спортсменты тренер Коцты Тамерлан.

Спортсментӕ архайдзысты Уӕрӕсейы командӕйы сконды. Турниртӕм балцӕгтӕ хъӕбысӕйхӕцджытӕ райстой Уӕрӕсейы фыццагады хатдзӕгтӕм гӕсгӕ ацы аз апрелы. Уӕд Зассеты Арсӕмӕг ӕмӕ Бестауты Андрей фембӕлдысты чемпионаты финалы ӕмӕ бацахстой фыццаг дыууӕ бынаты кады пьедесталы.

Сослан Джагаев
© Sputnik / Наталья Айриян
Пресс-конференция: Тамерлан Кочиев и Сослан Джагаев

"Бестауты Андрей 19 июны ацӕудзӕн Европӕйы фыццагадмӕ Италимӕ. Афтӕ ма Дзӕгъиаты Сослан хайад райсдзӕн Европӕйы фыццагады июны кӕрӕтты Польшайы. Зассеты Арсӕмӕг та архайдзӕн дунейы ерысты Болгарийы августы райдайӕны", - загъта тренер.

Дыццӕджы Коцты Тамерланы хъомылгӕнинӕгтӕн райдайдзӕн рӕвдзытӕ.

"Ацы аз нын уыд ӕнтыстджын. Нӕ хъӕбысӕйхъӕцджытӕ рамбылдтой алкӕцы турниры дӕр, цы ран хайад истой. Ныфс мӕ ис, дарддӕр дӕр сӕхи хорз кӕй равдисдзысты ерысты", - загъта тренер.

Коцты Тамерлан равдыста ныфс, йӕ хъомылгӕнинӕгты егъау уӕлахизтӕ сты нырма разӕй.

Сӕйраг темӕтӕ