21:30 31 ЗÆРДÆВÆРÆНЫ МÆЙ
 2020
Комкоммӕ эфир
  • EUR78.55
  • USD70.75
Спорт
Чысыл дӕнцӕг
47 0 0

Ерысты архайынц барадхъахъхъæнæг органты командæтæ, уæлахиздзау фæбæрæг уыдзæн 9 ноябры

ЦХИНВАЛ, 4 ноя — Sputnik, Плиты Фатима. Хуссар Ирыстоны барадхъахъхъæнæг органты командæты ʻхсæн райдыдта милицийы бонæн нывонд турнир мини-футболæй. Тыхджындæры номыл тох цæуы аст командæйы хсæн, фехъусын котой Sputnik МХМ пресс-службæйы.

Къуырисæры футболон скъола "Фæранк"-ы фæзуатыл ацыд фыццаг æртæ хъазты.

"Аст командæйы Мидхъуыддæгты министрады дæлхайæдттæй архайынц æрвылазон турниры. Ерыстæ цæудзысты фондз боны дæргъы. Сæ хатдзæгтæм гæсгæ фæбæрæг уыдзæн барадхъахъхъæнæг органты арæхстджындæр командæ", - загътой пресс-службæйы.

Уæлахиздзау фæбæрæг уыдзæн милицийы бæрæгæбонæй бон раздæр, 9 ноябры. Ӕнтыстджын командæтæ фæхайджын уыдзысты хорзæхтæй.

Ивгъуыд аз барадхъахъхъæнæг органты командæты ʻхсæн мини-футболæй турниры уæлахиздзау ссис Мидхъуыддæгты министрады МСНК командæ.

Сӕйраг темӕтӕ