17:53 05 ЦЫППУРСЫ МÆЙ 2019
Комкоммӕ эфир
  • EUR70.72
  • USD63.81
Дзæгъиаты Сослан

Ног уæлахиз: цхинвайлаг богал Дзæгъиаты Сослан рамбылдта турнир Дыгуры

© Sputnik / Наталья Айриян
Спорт
Чысыл дӕнцӕг
41 0 0

Лæппу у ерысты æппынæдзух триумфатор, иу къуырийы размæ уый расгуыхт турнир "Битва за тренера-преподавателя"-йы. Нæ командæйы аннæ уæнг Плиты Вадим райста "æвзист"

ЦХИНВАЛ, 11 ноя — Sputnik, Плиты Фатимæ. Хуссарирыстойнаг спортсмен, 2019 азы Уæрæсейы фыццагады уæлахиздзау Дзӕгъиаты Сослан рамбылдта сызгъæрин майдан уӕгъдибар хъӕбысхӕстӕй Бердиты Солтаны турниры Дыгуры, йæ аннæ æмсекцион Плиты Вадим ссис æвзист призер, фехъусын кодта Sputnik йæ тренер Коцты Тамерлан.

Дзӕгъиаты Сослан у бæрзонд æмвæзады ерысты æппынæдзух триумфатор, раст иу къуырийы размæ уый расгуыхт турнир "Битва за тренера-преподавателя"-йы. Аннæ призер Плиты Вадим дæр, йæ тренеры ныхæстæм гæсгæ, тагъд бацæудзæн æдзух æмбулæг фæсивæды рæнхъытæм.

"Цыппар фембæлды акодта нывыл тохтæ, зæгъæн ис Дзæгъиаты Сослан æнцонæй схызт уæлахиздзауы пьедесталмæ. Нæ аннæ спортсмен ссис дыккаг, фæлæ Плиты Вадимы ном дæр амæй фæстæ арæх хъусдзысты спортуарзджытæ", - загъта тренер.

Уый ма банысан кодта, Плиты Вадим та 21 - 23 ноябрьты стох кæндзæн Тедеты Елхъаны номарæн турниры Цæгат Ирыстоны.

Ерыстæ цыдысты Дыгургомы, хайад дзы райстой 150 спортсмены.

Сӕйраг темӕтӕ