Фæбæрæг сты футболæй Хуссар Иры президенты Кубокы æрдæгфиналисттæ

Рафыссын
Цхинвалы балхынцъ сты бæстæйы сæргълæууæджы Кубокы сæраппонд ерысты финалы цыппæрæм хайы хъæзтытæ иууылдæр

ЦХИНВАЛ, 4 дек - Sputnik. Футболон командæтæ "Нæузæххонты", "Цхинвалы ветерантæ", "Хъайтарты" æмæ "Дыргуис" ахызтысты президенты Кубокы сæраппонд футболæй ерысты æрдæгфиналмæ, фехъусын кодта фæсивæдон политикæ, спорт æмæ туризмы комитеты пресс-службæ.

Хуссар Иры райдыдта Президенты кубок футболæй - Sputnik Хуссар Ирыстон
Хуссар Иры райдыдта Президенты кубок футболæй

Уагдоны куыд банысан кодтой, афтæмæй балхынцъ сты ерысты финалы цыппæрæм хайы хъæзтытæ иууылдæр.

"Цхинвалы ветерантæ" ныппырх кодтой командæ "Знауыр"-ы 6:0 хыгъдæй. Иннæ хъазты та "Нæузæххонтæ" рамбылдтой  "Шанхайы" 4:0-æй", - дзырдæуы пресс-службæйы хъусинаджы.

Цхинвалы æрдæгфиналон хъæзтытæ ацæудзысты цыппæрæмы, 5 декабры. Командæтæ "Дыргуис" æмæ "Хъайтартæ" фембæлдзысты  11:00 сахатыл, 12:00 та ацæудзæн матч "Цхинвалы ветерантæ" æмæ "Нæузæххонты" командæты хсæн.

Ног хабӕртты лентӕ
0