18:12 27 ТЪÆНДЖЫ МÆЙ
 2020
Комкоммӕ эфир
  • EUR68.78
  • USD62.34
Спорт
Чысыл дӕнцӕг
15 0 0

Кæсæбиты Владислав, Хæбæлаты Арсен, Плиты Батрадз æмæ Бететы Аланæн ерысты æнтыст кæны фæндаг Уæрæсейы чемпионатмæ

ЦХИНВАЛ, 9 янв – Sputnik, Плиты Фатимæ. Хуссар Ирыстоны армспорты секцийы хъомылгæнинæгтæй цыппар стох кæндзысты Цæгат Ирыстоны чемпионаты, фехъусын кодта Sputnik спортсменты тренер Джиоты Валерий.

Ерыстæ цæудзысты спорты галуан "Манеж"-ы 11 январы.

"Хуссар Иры командæйы сконды уыдзысты Кæсæбиты Владислав, Хæбæлаты Арсен, Плиты Батрадз æмæ Бететы Алан. Фыццаг æртæ нырма чемпионаты кары неʻсты , фæлæ сæ тыхтæ хъуамæ сфæлварой. Цæгат Ирыстоны чемпионаты æнтыст дарддæр дæтты фадат хайад райсынӕн Уæрæсейы чемпионаты", - загъта тренер.

Уый ма банысан кодта, Хуссар Иры ныры дуджы æнтыстджындæр æрмхæцæг Гасситы Сосланæн кӕй ис балцæг Уæрæсейы чемпионатмæ, уымæ гæсгæ ерысты нæ архайы.

Цæгат Ирыстоны чемпионаты архайдзæн 100 спортсмены онг.

Сӕйраг темӕтӕ