ЦХИНВАЛ, 17 авг — Sputnik, Плиты Фатимæ. Хуссар Ирыстоны боксы скъолайы хъомылгæнинаг Коцты Артур стох кæндзæн къорд "Альфа"-йы дзæнæттаг кусæг Олег Лоськовы номарæн гом турниры, кæцы фæмард ис Беслæны фыццæгæм скъолайы теракты рæстæджы амынæты адæмы ирвæзынгæнгæйæ.
Коцты Артур у æрыгон боксер, у 2006 азы гуырд. Нырма егъау турнирты нæ расгуыхт, фæлæ ис, стыр æнтыстытæ чи аразы, уыдон нымæцы. Пандемийы аххосæй ерыстæм нæ цыд азы æргъы.
Боксы скъолайы директоры хæдивæг Кокойты Ирбеджы ныхæстæм гæсгæ, спортуарзджытæ фехъусдзысты ацы азæй фæстæмæ лæппуйы æнтыстыты тыххæй.
"Гом турнир цæуы Липецкы областы, горæт Елецы. Рагæй нæ хонынц ацы турнирмæ, уымæн æмæ сæрмагонд нысаниуæджы къорд "Альфа"-йы уæнг фæмард Ирыстоны сабиты ирвæзынгæнгæйæ", - загъта Кокойты Ирбег.
Альфа"-йы дзæнæттаг кусæг Олег Лоськовы номарæн гом турнир цæудзæн 23-28 августы.
