11:42 24 КÆФТЫ МÆЙ
 2021
Комкоммӕ эфир
  • EUR82.50
  • USD70.86
Спорт
Чысыл дӕнцӕг
20 0 0

Норвегиаг Ослойы дарддӕр цӕуы дунейы чемпионат спортивон хъӕбысхӕстӕй, кӕцыйы ӕрбаиу сты ерыстӕ уӕгъдибар, сылгоймӕгты ӕмӕ греко-римаг хъӕбысхӕстытӕ

ЦХИНВАЛ, 5 окт — Sputnik. Уалыты Радик бронзӕйон хорзӕхы сӕраппонд тохы 79 килограммы онг уӕзы категорийы ӕмгъуыдӕй раздӕр фӕуӕлахиз япойнаг Рюки Йошидайыл 11:0 хыгъдӕй. Уымӕй размӕ та ирон богал ныддӕрӕн кодта канадӕйаг Самуэль Бармишы 10:0 хыгъдӕй, хъусын кӕны Цӕгат Ирыстоны спорты министрады пресс-службӕ.

Ноджы ма иу ирон спортсмен Найфонты Артур дӕр Ослойы рамбылдта бронзӕ майдан 86 килограммы онг категорийы. Уый фӕуӕлахиз Азӕмӕт Даулетбековыл Казахстанӕй.

Норвегийы сӕйраг горӕты уагъд цӕуы дунейы чемпионат - 2021 спортивон хъӕбысхӕстӕй (World Wrestling Championships 2021 Oslo), кӕцыйы ӕрбаиу сты ерыстӕ уӕгъдибар, сылгоймӕгты ӕмӕ греко-римаг хъӕбысхӕстытӕ.

Сӕйраг темӕтӕ