ЦХИНВАЛ, 2 дек — Sputnik. Ӕхсӕнадӕмон информацион агентад ӕмӕ радио Sputnik Хуссар Ирыстон уырыссаг æмæ ирон порталтыл дарддæр кæны поэтикон эстафетæ Sputnik.Кастытæ. Поэтикон эстафетæ байгом кодта Sputnik Хуссар Ирыстоны къухдариуæггæнæг Нарек Ордян, кæцы равзæрста ацы проекты хайадисджыты кæй уацмыстæ æрбамбырд кодтой, уыцы Хетæгкаты Къостайы æмдзæвгæ "Не верь, что я забыл родные наши горы…"
"Sputnik Хуссар Ирыстоны редакци æмæ сæрмагондæй мæхицæн ацы поэтикон эстафетæ Sputnik.Кастытæйы хайадист у тынг нысаниуæгджын. Егъау поэзи фадат дæтты алкæцы адæмы уникалондзинад бахахх кæнын æмæ фенын кæнынӕн, уарзондзинад, цард, алфамбылай дунейы рæсугъддзинæдтæ кæй сты бындурон æппæт дунейæн. Фидарæй мæ уырны, Sputnik.Кастытæ дзыллæйады æрдыгæй æмæ алкæй зæрдæйы дæр кæй сæвзæрын кæндзысты цымыдис", — загъта Нарек Ордян.
Проект Sputnik.Кастытӕ-йы нысан у бирӕполярон дунейы адӕмы кӕрӕдзимӕ феввахсдӕр кӕнын зындгонд поэтикон уацмыстӕ кӕсыны руаджы, кӕцыты ӕвдыст цӕуынц бындурон хӕрзиуджытӕ — уарзондзинад, цард, алфамблай дунейы рӕсугъддзинад. Райдыдта проект Кыргызстаны 2015 азы марты. Хайад дзы райстой бӕстӕйы хицауады минӕвӕрттӕ, ӕхсӕнады ӕмӕ аивады сгуыхт архайджытӕ. Августы ацы поэтикон эстафетӕ райста Sputnik Молдовӕ дӕр.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Оперативон ног хабӕрттӕй дарддӕр ма Sputnik йӕ аудиторийӕн дӕтты аналитикон ӕрмӕджытӕ, эксклюзивон интервьютӕ, экспертон хатдзӕгтӕ.
