Президент къорд "Хохагтӕн": сымах аразут бирӕ политиктӕй фылдӕр

Рафыссын
Ӕхсæнадæмон проект "Хæлардзинады маяктæ. Кавказы мæсгуытæ"-йы хайадисджыты иу къорд фембӕлд Хуссар Ирыстоны президент Бибылты Анатолийимӕ ӕмӕ йын радзырдтой цы федтой ӕмӕ сын цы бантыст саразын, уыдӕттыл.

Президент бузныджы ныхӕстӕ загъта мадзалы организатортӕн адӕмты хсӕн хӕларад кӕй тауынц, уый тыххӕй.

Хуссар Ирыстонмæ æхсæнадæмон проект "Хæлардзинады маяктæ. Кавказы мæсгуытæ"-йы хайадисджыты иу къорд "Хохӕгтӕ" ӕрцыдысты Хуссар Ирыстонмӕ хуыцаубоны. Уæрæсейаг æмæ дагестайнаг фæсивæд бынӕттонтимӕ фондз боны дæргъы зонгæ кодтой ирон æгъдæуттæ æмæ традицитимæ, бакуыстой Хъеуселтгомы Таймӕзты мыггаджы мæсыджы хӕрзарӕстадыл.

Проект "Хæлардзинады маяктæ. Кавказы мæсгуытæ" цæуы Цæгат Кавказы регионтæй асты. Арæзт æрцыд цыппар регионалон къорды: Дагъистан — Хуссар Ирыстон, Цæцæн — Хъæрæсе-Черкес, Мæхъæл — Кæсæг-Балхъар, Цæгат Ирыстон — Адыгей.

Ног хабӕртты лентӕ
0