Цхинвалмæ фæуазæг IBF æмæ WBA версимæ гæсгæ дунейы чемпион Гасситы Мурæт. Сабаты зындгонд боксер фембæлд Хуссар Ирыстоны президент Бибылты Анатолий æмæ йæ табугæнджытимæ. Дунейон боксы стъалы ма радта дзуаппытæ журналистты фарстытæн.
Гасситы Мурæт 3 февралы фæуæлахиз кубæйаг боксер Юниер Дортикосыл Ӕппæтдунейон боксерон суперсерийы æрдæгфиналы. Йæ IBF версимæ гæсгæ титулмæ Ирыстонæй чемпион бафтыдта WBA версимæ гæсгæ дунейы чемпионы титул. Майы чемпион фембæлдзæн украинæйаг Александр Усикимæ.
