ЦХИНВАЛ, 15 июл — Sputnik. Абхазы оппозицион тыхты сæргълæууæг, Адæмон æмбырды депутат Аслан Бжания хайад нал райсдзæн президентон æвзæрстыты йе 'нæниздзинады уавæры тыххæй, фыссы Sputnik Абхаз.
Бжанияйы уæззау уавæры Мæскуыйы рынчындæттæй иумæ аластой 18 апрелы. Йӕ фарслӕуджытӕ фехъусын кодтой, политикы кӕй фӕхъӕстӕ кодтой æмæ æрдомдтой ахӕссын президентон ӕвзӕрстытӕ фæззæгмæ. 28 майы парламент оппозицийы протестон акцийы фæстæ ахаста æвзæрстытæ 25 августмæ.
Абхазы паддзахаддзинад бахъахъхъæныны фæдыл иумæйагнационалон змæлды штабы хистæр Теймураз Хишба бакаст Аслан Бжанияйы куырдиат, цы ран дзырд цæуы, оппозицийы лидеры æнæниздзинад кæй фæцудыдта æмæ йе схос кæныны рæстæг гæнæн ис æмæ кæй адаргъ уа.
"Уымæ гæсгæ, Бжания аскъуыддзаг кодта сисын йæ кандидатурæ Абхазы президентон æвзæрстытæй. Уыимæ иумæ уый банысан кодта, куы адзæбæх уа, уæд активон хайад кæй исдзæн республикæйы политикон царды", - дзырдæуы куырдиаты.
Абхазы президентон æвзæрстытæ ацæудзысты 2019 азы 25 августы. Бæстæйы сæргълæууæг æвзæрст цæуы фондз азы æгъуыдмæ. Президентимæ ма иумæ æвзæрст цæуы бæстæйы вице-президент дæр.
