15:03 18 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Парижы ацыд VI ӕхсӕнадӕмон конкурс Ирон бæгæны-2019-йы фыццаг этап

"Ирон бæгæны-2019": Парижы ацыд ирон бӕгӕныйы конкурсы этап

Пресс-служба ГКПД "Бавария"
Дунейы
Чысыл дӕнцӕг
13 0 0

Ирон бӕгӕныйы ӕхсӕнадӕмон фестиваль-конкурс райдыдта Францийы столицӕйы

ЦХИНВАЛ, 23 июл – Sputnik, Козаты Диана. Парижы ацыд VI ӕхсӕнадӕмон конкурс "Ирон бæгæны-2019"-йы фыццаг этап. Французаг ирон диаспорӕйы сӕрдар Джанайты (Айрис) Лора радзырдта Sputnik ирон бӕгӕныйы фыццаг бӕрӕгбоны тыххӕй Францийы.

 VI международный конкурс Ирон бæгæны-2019 стартовал в Париже
Пресс-служба ГКПД "Бавария"
Парижы ацыд VI ӕхсӕнадӕмон конкурс "Ирон бæгæны-2019"-йы фыццаг этап

Йӕ ныхӕстӕм гӕсгӕ, конкурсы фыццаг этап Парижы ауадзыны хъӕппӕрис бахастой Цӕгат Ирыстоны культурӕйы министрад, компани "Бавария" ӕмӕ традицион культурӕйы центр "Фарн".

"Уыдон нӕм бадзырдтой июлы райдайӕны, равзӕрстам датӕ, мах та ауагътам ӕмбӕлгӕ организацион куыст", - Джанайты Лора.

Диаспорӕйы сӕрдары ныхӕстӕм гӕсгӕ, Парижы зын у ссарын бӕстыхай ахӕм мадзӕлттӕн, ӕмӕ уый уыд организаторты сӕйраг хӕслӕвӕрд.

"Мадзалы хайад райстой нӕхи бӕгӕныхсидӕгтӕ. Уыдис дзы фондз ирон бӕгӕныхсидӕджы, кӕцытӕ цӕрынц Францийы. Дыууӕ хайадисӕджы Орлеанӕй, дыууӕ Парижӕй ӕмӕ иу та Лиллӕй", - радзырдта Джанайты Лора.

Жюри иууыл хуыздӕрыл банымадта бӕгӕны, кӕцы сарӕзта Зӕнджиаты Вера.

 VI международный конкурс Ирон бæгæны-2019 стартовал в Париже
Пресс-служба ГКПД "Бавария"
Зӕнджиаты Вера

Джанайты Лора загъта бузныг хайадисджытӕн, уый тыххӕй ӕмӕ ингредиенттӕ ссарын Францийы зын у.

Бӕрӕгбон срӕсугъд кӕнынмӕ Ирыстонӕй ӕрцыд музыкант Коцылаты Сослан, кӕцы балхӕдта уазджыты зӕрдӕтӕ ирон фӕндырыл цагъдӕй.

Хайадисджытӕ иууылдӕр райстой лӕвӕрттӕ компани "Бавария"-йӕ. "Ирон бæгæны" конкурсы финал ацӕудзӕн Дзӕуджыхъӕуы цыппӕрӕм октябры.

Сӕйраг темӕтӕ