04:35 24 ДЖЕОРГУЫБАЙЫ МÆЙ
 2017
Комкоммӕ эфир
Боксы турнир

Хуссарирыстойнаг боксертæ æрæмбырд кодтой "сыгъзæрин тыллæг" УФ-йы турниры

© Sputnik / Фатима Плиева
Хуссар Ирыстоны
Чысыл дӕнцӕг
11 0 0

Хуссарирыстойнаг спортсментæ рамбылдтой 11 сыгъзæрин майданы Кисловодскы турниры

ЦХИНВАЛ, 4 июл — Sputnik, Годжысаты Анна. Хуссарирыстойнаг спортсментæ рамбылдтой 11 сыгъзæрин майданы Кисловодскы ацæугæ турниры, фехъусын кодта Sputnik спортсменты тренер Хаситы Владислав.

Йæ ныхæстæм гæсгæ, уæрæсейаг æхсæнрегионалон турниры хуссарирыстойнаг боксертæ равдыстой цæттæдзинады бæрзонд æмвæзад, уымæн æвдисæн сты 11 сыгъзæрин майданы.

"Ерысты архайдтой не спортсментæй 17-æй, уыдонæй 11 райстой сыгъзæрин майдантæ. Уый та дзурæг у нæ спортсменты серьезон ахастыл сæ хъуыддагмæ æмæ сæ цæттæдзинады бæрзонд æмвæзадыл", — загъта тренер.

Фыццаг бынæттæ цы æрыгон спортсментæ бацахстой, уыдон сты 13-14 азы кары. Нæлгоймæгтæй дарддæр ма ерысты архайдтой чызджытæ дæр — дыууæ сыгъзæрин майданы рамбылдтой Гаглойты Алана æмæ Уалыты Алана.

"Кæд чызджытæ æрдæг азæй фылдæр нæма тренировкæ кæнынц, уæддæр уыдон тынг ирдæй фæуæлахиз сты тохты æмæ сæхицæн сифтонг кодтой фыццаг бынæттæ. Иумæйагæй, тынг райгонд дæн фæстиуджытæй", — загъта Хаситы Владислав.

Ныртæккæ æрыгон боксертæ уадзынц сæ фæллад, фæлæ сæм къуырийы фæстæ æнхъæлмæ кæсынц сбортæ æппæтуæрæсейаг ерыстæм, кæцытæ ацæудзысты августы кæрон.

Сӕйраг темӕтӕ