21:44 19 РУХÆНЫ МÆЙ 2017
Комкоммӕ эфир
Цхинвал, милиционер

Хуссар Ирыстоны 1 сентябры уагæвæрдмæ сæ хъус дардзысты 300 милиционеры

© Sputnik / Алексей Ковалев
Хуссар Ирыстоны
Чысыл дӕнцӕг
13 0 0

Ахуырадон уагдæттæ æмæ сæ алыварс территоритæ басгардзысты сæрмагонд техникон фæрæзты æмæ ахуыр куыйты руаджы, уый фæстæ та сæ райсдзысты æрвылсуткæйон контрольмæ

ЦХИНВАЛ, 31 авг — Sputnik. Хуссар Ирыстоны цытджын линейкæты рæстæджы æхсæнадон уагæвæрд ифтонг кæндзысты милицийы 300 кусæджы, хъусын кæны РХИ МХМ-ы пресс-службæ.

Зонындзинæдты боны æхсæнадон уагæвæрд сифтонг кæныны фæдыл мадзæлтты комплексыл æруынаффæ кодтой мидхъуыддæгты министрады æмбырды рæстæджы, кæцыйæн къухдариуæгад кодта æхсæнадон æдасдзинады милицийы сæргълæууæг, милицийы инæлар-майор Пухаты Мераб.

"Бакуыст æрцыд организацион-профилактикон мадзæлтты нывæзтыл, кæцымæ гæсгæ ахуырадон уагдæттæ æмæ сæ алыварс территоритæ басгардзысты сæрмагонд техникон фæрæзты æмæ ахуыр куыйты руаджы, уый фæстæ та сæ райсдзысты æрвылсуткæйон контрольмæ", — дзырдæуы хъусинаджы.

Цытджын мадзæлтты рæстæджы, скъолаты территорийыл фæфылдæр кæндзысты милицийы патрульты нымæц. Фæндагон змæлды æдасдзинады мадзæлттæ райсдзæн РХИ Мидхъуыддæгты министрады Паддзахадон автоинспекцийы управлени дæр.

Сӕйраг темӕтӕ