09:53 23 ХУРХÆТÆНЫ МÆЙ
 2017
Комкоммӕ эфир
Уалыты Владислав

Уалыты Владислав ссис Уæрæсейы чемпион уæгъдибар хъæбысхæстæй

© Федерация спортивной борьбы России
Спорт
Чысыл дӕнцӕг
9 0 0

Уалыты Владислав æрхаста фыццаг сыгъзæрин Цæгат Ирыстонæн Назраны уагъд цæуæг Уæрæсейы чемпионатæй уæгъдибар хъæбысхæстæй

ЦХИНВАЛ, 14 июн — Sputnik. Назраны уагъд цæуæг Уæрæсейы чемпионаты Уалыты Владислав ссис Уæрæсейы чемпион уæгъдибар хъæбысхæстæй 86 кг онг уæзы категорийы.

Турниры размæ активонæй дзырдтой, зæгъгæ, ацы уæзы уæлидзинад ис дагестайнаг богалтæн, Уалыты Владислав та, кæд арæх уыд фыццаг хуыздæр æртæйы нымæцы, уæддæр фаворитты нымæцмæ хаст нæ цыд.

"Ӕвæццæгæн мын чысыл хъыг дæр уыд, кæй мæ нæ нымадтой фаворитыл. Фæлæ аннæ богалты тыххæй куы дзырдтой, уæд аскъуыддзаг кодтон, кæй хъуамæ сбæлвырд кæнон мæ ерысхъомдзинад. Тырныдтон Уæрæсейы чемпионат рамбулын. Халæппæрстмæ дæр не ′ркастæн — зыдтон, кæй дзы ис бирæ ныхмæлæуджытæ иу æмвæзады, фæлæ нæ дызæрдыг кодтон, алкæйдæр сæ мæ бон кæй у рамбулын", — загъта чемпион wrestrus.ru уацхæссæгæн.

"Влад у хорз лæппу, кæцы рагæй сбæлвырд кодта, кæй у æцæг спортсмен егъау потенциалимæ, кæцы йын никуыд æнтыст раргом кæнын. Абон уымæн уыд йæ карьерæйы ирд уысм, уый максималонæй спайда кодта йæ шансæй. Уадз æмæ ма суæгъд кæнæт йæ стъалы æмæ дарддæр рухс кæнæт йæ табугæнджыты зæрдæты. Раздæр уый кæронмæ не ′ууæндыд йæ тыхыл, фæлæ йын абон алцыдæр ис. Кæд æмæ ахæм манерæйы уадза йæ тохтæ æндæр турниртыл дæр, уæд йæ бон уыдзæн рамбулын цыфæнды ерыстæ, уый нымæцы дунейы чемпионат дæр", — банысан кодта Цæгат Ирыстоны æмбырдгонды сæйраг тренер Гозымты Хетæг.

Ирон богалы къухты бафтыд сыгъзæрин, финалон тохы Шамиль Кудиямагомедовы рамбулгæйæ.

Сӕйраг темӕтӕ