Гуырдзыстоны агрессийы фӕстиуджытӕ Хуссар Ирыстоны цӕрджытӕ абоны бон дӕр нырма ӕнкъарынц. Республикйы нырма ис тынг бирӕ территоритӕ, кӕцыты хъӕуы рӕмудзӕн ӕрмӕджытӕй ‘ссыгъдӕг кӕнын. Рӕмудзӕн ӕрмӕджытӕ Хуссар Ирыстоны кӕцы тӕрриторитыл сты ӕвӕрд, уыдон тыххӕй Гуырдзыстон нӕ дӕтты бӕрӕггӕнӕнтӕ. Уӕлвӕтконы уавӕрты министрады ӕмкусджытӕ, уӕлдайдӕр та сгарӕн-ирвӕзынгӕнӕн хайады сапертӕ ӕрвыл къуыри дӕр цӕрджытӕй райсынц, рӕмудзӕн ӕрмӕджытӕ та кӕй ссардӕуыд, уый фӕдыл информаци.
