ЦХИНВАЛ, 3 авг — Sputnik. Рязаны областы полигон Дубровичийы 2 августы авиашоуйы уæлдæр пилотажы фигурæ æххæстгæнгæйæ æрхаудта авиакъорд "Беркут"-ы ӕфсæддон вертолет Ми-28Н.
Тæхджытæ катапультæйы руаджы сæхи раппæрстой тæхгæ аппаратæй. Вертолет æнæхъæнæй ныппырх. Тæхджытæй сæ иу фæмард, иннæйы фæхæццæ кæндзысты Вишневскийы номыл цетралон æфсæддон клиникон госпиталмæ.
Зианбаййафæджы эвакуацийы тыххæй Мæскыйы цур аэродром "Чкаловский"-йæ ратахт æфсӕддон вертолет.
"Ми-8 ратахт Рязанмæ, зианбаййафæг штурманы фæхæццæ кæндзысты Красногорскмæ — Вишневскийы номыл цетралон æфсæддон клиникон госпиталмæ"- радзырдта агентады ратæдзæн.
УФ Хъахъхъæнынады министр Сергей Шойгу бахæс кодта Уæлдæфон-космикон тыхты командагæнджытæн, цæмæй вертолет Ми-28Н пилоттæ æрцæуой хорзæзджын.
"Фæстаг секундты онг тæхджытæ архайдтой машинæ аирвæзын кæныныл"-, загъта министр æфсæддон уагдоны къухдариуæгадимæ фембæлды рæстæджы.
Шойгу ма загъта, Ми-28Н-ты тахтытæ урæд кæй ӕрцыдысты, цалынмæ трагедийы аххосæгтæ лæмбынæг нæ басгарой, уæдмæ.
