ЦХИНВАЛ, 6 авг — Sputnik. Джеры Дзуары кӕронмӕ бахӕццӕ сты реконструкцион куыстытӕ, цыппӕрӕмы Алайнаг епархийы минӕвӕрттӕ бафснайдтой аргъуан ӕмӕ йӕ алфамбылай территори, фехъусын кодта Sputnik фыд Яков.
Джеры Дзуары цалдӕр мӕйы дӕргъы уагъд цыдысты цалцӕггӕнӕн-реставрацион куыстытӕ.
"Ӕмбӕлон уагмӕ ӕркодтам дзæнгæрæгдон, сарæзтам ӕмбонд. Сæвӕрдзыстӕм ма уазнывты сис дӕр", — загъта фыд Яков.
Уый ма фехъусын кодта, Джеры Дзуары ма ӕвӕрд кӕй ӕрцӕудзӕн сыгъдӕг Джиуӕрджийы уазныв.
"Уазныв конд уыдзӕн фарфорӕй, аразынц ӕй Мӕскуыйы. Ныфс дӕттынц, сентябрмӕ кӕй сццӕттӕ уыдзӕн", — загъта динамонӕг.
Джеры Дзуар нымад у Хуссар Ирыстоны карздӕр дзуӕрттӕй сӕ иуыл. Азы дӕргъы ардӕм сӕхи фӕдзӕхсынмӕ ссӕуынц мингай адӕймӕгтӕ куыд Хуссар ӕмӕ Цӕгат Ирӕй, афтӕ ма ӕндӕр бӕстӕтӕй дӕр.
