ЦХИНВАЛ, 11 авг — Sputnik. Ӕртаджы цухдзинады азымджынты агурын нӕ хъӕуы, фӕлӕ ӕвӕстиатӕй хъӕуы проблемӕ аскъуыддзаг кӕнын, фехъусын кодта РХИ премьер-министр Хъуылымбегты Доменти.
Республикӕйы ӕртаджы цухдзинад кӕй ис, уымӕ гӕсгӕ хисӕрмагонд ӕртагкӕнӕн станцты бензины аргъыл схӕцыдысты 38-39 соммӕ. Ӕртаджы цухдзинад баст у "Югосетнефтепродукт"- мӕ ӕхцайы фӕрӕзтӕ кӕй нӕй, уыимӕ. Паддзахдон уагдӕттӕ фылдӕр бӕрцӕй ӕмгъуыдмӕ нӕ фидынц сӕ хӕстӕ "Югосетнефтепродукт"- ӕн.
Уагдӕттӕ хӕсджын ӕрцыдысты, цӕмӕй сраст уой "Югосетнефтепродукт"-имӕ. Экономикон райрӕзты министр Зӕгъойты Вильям куыд фехъусын кодта, афтӕмӕй проблемӕ аскъуыддзаг кӕнынӕн бахъӕудзӕн 10 боны.
"Сывзӕргӕ уавӕры азымджын агурын нӕ хъӕуы, фӕлӕ хъӕуы ӕртаджы дефицит аиварс кӕнын", — загъта Хъуылымбегты Доменти.
Ӕргътӕ нӕ фӕфылдӕр сты ӕрмӕстдӕр паддзахадон ӕртагкӕнӕн станцы. Ам бензины аргъ ныр дӕр у 33 сомы. Хисӕрмагонд амалиуӕггӕнджытӕ аргътыл кӕй схӕцыдысты, уый баст у УФ ӕргътӕ кӕй фӕфылдӕр сты, уыимӕ. ПУК "Югосетнефтепродукт " директор Тыджыты Владимир ныфс дӕтты, ӕввахс бонты республикӕмӕ кӕй ӕрласдзысты бензин.
