ЦХИНВАЛ, 2 сен — Sputnik. Мæскуыйы цæуæг Уæрæсейаг футболон цæдисы (УФЦ) æнæрадон конференцийы рæстæджы спорты министр Виталий Мутко æмхъæлæсæй æвзæрст æрцыд организацийы президентæй.
Хъæлæсæппæрст уыд æргом. Виталий Мутко уыд иунæг кандидат Уæрæсейаг футболон цæдисы(УФЦ) сæргълæууæджы бынатмæ.
УФЦ президенты бынаты Муткойы æххæстбарты æмгъуыд у растдæр иу аз. УФЦ-йы сæргълæууæджы иннæ æвзæрстытæ уагъд æрцæудзысты 2016 азы сентябры. Раздæр Мутко фехъусын кодта, кæй архайдзæн дыууæ бынаты дæр — УФЦ президенты бынаты дæр æмæ УФ спорты министры бынаты дæр 2018 азы онг, цалынмæ бæстæйы дунейы чемпионат уагъд æрцæуа, уӕдмӕ.
Раздæр Уæрæсейы Федерацийы хицауады сӕрдар Дмитрий Медведев разыдзинад радта, цæмæй Мутко архайа дыууæ бынаты дæр — УФ Спорты министр æмæ УФЦ-ы президентӕй дӕр. Мутко ма УФЦ-йы сæргъ лæууыд 2005-æм азæй 2009 азмæ.
