ЦХИНВАЛ, 3 сен — Sputnik. Мæскуыйаг аэропорт "Домодедово"-йы зынгирвæзты фæстиуæгæн 40 рейсæй фылдæр фæстиат кæнынц. Ахæм бæрæггæнæнтæ равæрдтой аэропорты онлайн-таблойыл.
Аэропорты пресс-секретарь Александр Власов фехъусын кодта, мидæмæ тæхгæ рейстæн кæй нæй арæнæвæрд, фæлæ "Домодедово"-йæ рейсты атахт рæстæгмæ æххæст нæ цæуы.
"Инциденты фæстиуæгæн нæй зианбаййафæг адæм", — æрхаста "Коммерсантъ FM" Власовы ныхæстæ.
РИА Новостийы фæстаг бæрæггæнæнтæм гæсгæ, персонал æмæ пассажиртæ баздæхтысты авиавокзалы бæстыхаймæ. Зынгсирвæзт ахуыссын кодтой.
Боны фыццаг сахатмæ хъавынц штатон ранывæзтмæ баздæхын.
"Домодедово" у Мæскуыйаг басты æртæ сæйраг аэропорттæй сæ иу. Росавиацийы бæрæггæнæнтæм гæсгæ, ацы аз январæй июлмæ аэропорт балæггад кодта 17,41 милуан адæймагæн.
Развæлгъау зонæнтæм гæсгæ, аэропорт "Домодедово"-йы зынгсирвæзты аххосаг уыд арæзтадон æрмæджыты ссыгъд, загъта РИА Новостийæн уæлрадон службæйы.
