Цхинвал, 3 сен — Sputnik. Хуссар Ирыстонмӕ фыццаг хатт фӕуазӕг уыдзӕн зындгонд уӕрӕсейаг актер Сергей Безруков, 9-ӕм сентябры Цхинвалы уагъд ӕрцӕудзӕн актеры сфӕлдыстадон изӕр, фехъусын кодтой Sputnik Культурӕйы министрады пресс-службӕйы.
"Сергей Безруковӕн ККЗ "Чермены"-ы бӕстыхайы фембӕлд уыдзӕн республикӕйы цӕрджытимӕ. Мадзал организаци цӕуы Хуссар Ирыстоны ӕххӕстбарджын минӕвар Уӕрсейы Гасситы Знауры ӕххуысӕй", — банысан кодта министрады пресс-секретарь Остъаты Мӕдинӕ.
Сергей Безруков у УФ адӕмон артист. Бирӕ фӕлгонцтӕ йын бантыст сӕххӕст кӕнын театры сценӕйыл, уӕрӕсейаг сериалтӕ ӕмӕ фильмты. Владимир Высоцкий, Александр Пушкин, Сергей Есенин ӕмӕ ӕндӕр зындгонд адӕмы фӕлгонцтӕ уый сӕххӕст кодта кинонывты.
