ЦХИНВАЛ, 9 сен — Sputnik. Цӕгат Ирыстоны 10 сентябры райдайдзæн фестиваль-конкурс "Ирон бæгæны — 2015", хъусын кӕны РЦИ-А культурӕйы министрад.
Фестиваль аххæсдзæн Цæгат æмæ Хуссар Ирыл, афтæ ма Кæсæг-Балхъарыл дæр.
Организаторты ныхæстæм гæсгæ, конкурс фæахъаз уыдзæн ирон бæгæны арызыны технологи парахат æмæ сæндидзын кæнынæн.
"Рафæлгъаудзыстӕм хуыздæр бæгæныхсидæджы, афтӕ ма хистæр кары дæснытӕ сӕ бæгæныхсидыны фæлтæрддзинад адих кæндзысты кæстæртимæ", — дзырдӕуы хъусинаджы.
Конкурсы уыдзæн дыууæ этапы. Фыццаг этапы хуыздæр бæгæныхсидджытæ равзардзысты республикæйы алы районы. Уый фæстæ 13 æрдæгфиналистæй равзардзысты уæлахиздзауы финалон ерысты, кæцытæ уагъд æрцæудзысты Дзæуджыхъæуы 29 октябры.
