ЦХИНВАЛ, 17 сен — Sputnik. Sputnik Хуссар Ирыстон ӕмӕ Аланты ӕхсӕнадӕмон цӕдис (Турк) бафыстой ӕмгуыстады фӕдыл меморандум.
Sputnik Хуссар Ирыстоны къухдариуӕггӕнӕг Нарек Ордян Туркмӕ йӕ кусӕгон балцы фӕлгӕтты фембӕлд Аланты ӕхсӕнадӕмон цӕдисы сӕрдар Мамсыраты Ирмӕимӕ.
Фембӕлды рӕстӕджы агентад ӕмӕ цӕдисы къухдариуӕггӕнджытӕ бафыстой ӕмгуысткӕнынады меморандум.
Фембӕлды нысан уыд ӕмгуыстады бындур ӕрӕвӕрын, ӕмархайды ӕмӕ ӕууӕнчы ӕмвӕзад фӕбӕрзонддӕр кӕнын. Дыууӕ организацийы ӕхсӕн ӕмгуыстад цӕудзӕн информацион ӕмӕ культурон фадгуыды.
Афтӕ ма бадзырды фӕлгӕтты организацигонд цӕудзысты иумӕйаг проекттӕ куыд Хуссар Ирыстоны, афтӕ Туркы дӕр. Ӕмгуыстады ацы хуыз фадат ратдзӕн хуссарирыстойнӕгтӕн Туркы цӕрӕг ирон адӕмимӕ культурон бастдзинӕдтӕ сфидар кӕнынӕн.
