ЦХИНВАЛ, 18 сен — Sputnik. Стыр бӕрӕгбонон концерт Кавказы ӕртӕ Паддзахадон ансамблы хайадистӕй уагъд ӕрцӕудзӕн Цхинвалы 20 сентябры, Республикӕйыл 25 азы сӕххӕсты боны, фехъусын кодта Sputnik ансамбль "Симд"-ы директор Зӕгъойты Рустам.
"Зард ӕмӕ кафты паддзахадон ансамбль "Симд", Абхазы кафты паддзахадон ансамбль "Шаратын" ӕмӕ Цӕцӕны кафты паддзахадон ансамбль "Вайнах" фыццаг хатт иумӕ рахиздзысты иу сценӕмӕ", — загъта Зӕгъойты Рустам.
Йӕ ныхӕстӕм гӕсгӕ, стадионы уагъдцӕуӕг стыр концертӕй дарддӕр ма "Симд" хайад райсдзӕн ноджы дыууӕ мадзалы. Ансамбль цалдӕр кафты сӕххӕст кӕндзӕн Националон музейы бакӕныны церемонийы. Афтӕ ма киноконцертон зал "Чермен"-ы цытджыт ӕмбырды фӕстӕ уагъд ӕрцӕудзӕн "Симд"-ы солон концерт.
"Симд", "Шаратын" ӕмӕ "Вайнах"-ы иумӕйаг концерт уагъд ӕрцӕудзӕн 18.00 Цхинвалы стадионы. Мадзал уагъд ӕрцӕудзӕн Хуссар Ирыстоны культурӕйы министрады хъӕппӕрисӕй.
