ЦХИНВАЛ, 18 сен — Sputnik. Мæскуыйаг полицийы кусджытæ кусынц популярон уæрæсейаг зарæггæнæг Дима Биланӕн хъæу Рассказовкайы цы хæдзар ис, уырдыгæй дзаумæттæ адавды фыдракæндыл, фехъусын кодта майрæмбоны Мæскуыйаг полицийы пресс-службæйы сæргълæууæг Андрей Галиакберов.
"Абон æхсæвы фыццаг сахатмæ æввахс æрбацыд хъусынгæнинаг, хъæу Рассказовкайы иу сæрмагонд хæдзарæй кæй æрцыд адавд", — загъта Галиакберов.
Бынатмæ æрбацæуæг фæдагурджытæ æрфарстой хæдзары хицау æмæ хъахъхъæнджыты, лæмбынæгæй басгæрстой фыдракæнды бынат.
Ныртæккæ сгæрст цæуынц фыдракæнды æууæлтæ æмæ арæзт цæуы адавдгонд дзаумæтты номхыгъд.
Дима Билан у зынгæ уæрæсейаг поп-зарæггæнæг, фыццаг уæрæсейаг æмбæстаг, кæцы фæуæлахиз зарæджы конкурс "Евровидение"-йы (2008 аз).
