ЦХИНВАЛ, 19 сен — Sputnik. Хъотайты Мария. Хуссар Ирыстоны тырыса фидар æрцыд Эльбрусы хохыл(денджызы ӕмвӕзадӕй 5642 метры бӕрзӕндӕн), загъта Sputnik Паддзахадон университеты студент Цхуырбаты Сергей.
Цæмæй денджызы ӕмвӕзадӕй 5642 метры бӕрзӕндӕн схизой, уый тыххæй ХИПУ-йы студенттæ Цхуырбаты Андрей æмæ Хъуылымбегты Александр хæрдмæцыд райдыдтой 19 сентябры æхсæвыгон æмæ райсомæй уыдысты бынаты. Сæ хæрдмæцыд баст уыд Республикæйыл 25 азы сæххæсты боныл.
"Эльбрусыл уыд хур боныгъæд. Мах æрсагътам тырыса Эльбрусы хохы цъуппыл, уый фæстæ йæ æрхастам уырдыгмæ — "Приют 11"-мæ, цы ран æхсæвиуат кæнынц альпинисттæ, æмæ уым сфадар кодтам ирон триколор. Тырысайыл ныууагътам нæ къухфысттæ. Ацы мадзал мах сарæзтам Республикæйы бæрæгбоны цытæн",- загъта студент.
Æрыгон лæппутæм нæ уыд æнгæс балцты фæлтæрдзинад, фæлæ уымæ æнæкæсгæйæ, сæ разы цы хæс æрæвæрдтой, уый сæххæст кодтой æнтыстджынæй.
Ныртæккæ нæ фæсивæды минæвæрттæ сты Эльбрусы рæбын, сæхи цæттæ кæнынц фæстæмæ, Республикæйы бæрæгбонмæ æрæздæхын.
Нæ студенттæ цы цæгатирыстойнаг альпинисттæм балæууыдысты æнгом, уыдон та Эльбрусы хохмæ систой Стыр Уæлахизы тырыса.
Мадзалы организатор у Æхсæнадæмон организаци "ЕВРАЗИЙСКОЕ СОДРУЖЕСТВО", цæй сконды сты ис 70 университæй фылдæр минæвæрттæ Уæрæсе, Хæдбар паддзахадты æмбалад æмæ Балтийæ.
