ЦХИНВАЛ, 23 сен — Sputnik. Хуссар Ирыстоны Знауыры районы арæнгæрон хъæуы цæрæг фӕцӕф Гуырдзыстоны территорийы æрдыгæй æхсты фæстиуæгæн, фехъусын кодта æртыццæджы Sputnik фæсконфликтон уавӕр æрбиноныг кæныны фæдыл республикæйы президенты æххæстбарджын минæвар Джиоты Мурæт.
Йæ ныхæстæм гæсгæ, инцидент æрцыд хъæу Иончамæ æввахс, цыран быдыры куыста бынæттон тракторист.
"Гуырдзыстоны ‘рдыгæй фехстой тракторы шофыры, фæцæф йæ къух. Инциденты уавæртæ бæрæг кæнынц барадхъахъхъæнæн структурæты минæвæрттæ, кæцытæ æвæстиатæй ацыдысты цауы бынатмæ", — фехъусын кодта æххæстбарджын минæвар.
Йæ ныхæстæм гæсгæ, хуссарирыстойнаг делегаци фехъусын кодта æхсты тыххæй Инциденттæ ма руадзыны æмæ аиуварс кæныны механизмты фембæлды хайадисджытæн. Фембæлд фæцис æртыццæджы изæрæй.
