ЦХИНВАЛ, 24 сен — Sputnik. Парламенты 37-ӕм рабадты рӕстӕджы Цӕгат Ирыстоны депутаттӕ хорзыл банымадтой Битарты Вячеславы кандидатурӕ республикæйы хицауады сæрдары бынатмæ. Уымæн сæ хъæлæстæ радтой 58 депутаты, хъусын кæны 15 регион.
"Битарты Вячеславы тыххæй мæ фæнды зæгъын, кæй у популярон æмæ авторитетон", — загъта Цæгат Ирыстоны сæргълæууæг Æгъуызарты Тамерлан.
Битарты Вячеслав бызныг загъта РЦИ-А-йы сæргълæууæгæн æмæ парламентаритæн сæ бæрзонд æууæнчы тыххæй æмæ æрæмбырдуæвджыты зæрдыл æрлæууын кодта, куыд уыны республикæйы райрæзт.
"Сæйраджыдæр бакусын хъæуы кризисы ныхмæ мадзæлттыл, бюджетон фæрæзты карз экономийыл. Æнæмæнг хъæуы ауадзын фæллойы æххæст инвентаризаци, уый нымæцы зæххон фæлойы дæр. Стыр диссæгтæ саразыны ныфс уын не ‘вæрын, фæлæ фидарæй дзурын, мæ зонындзинæдтæ æмæ фæлтæрддзинад кæй аздахдзæн республикæйы хæрзиуæгæн", — банысан кодта премьер-министр.
Битарты Вячеслав Зелимханы фырт райгуырд 1961 азы. Уыд Дзæуджыхъæуы горæтон думæйы депутат (2003-2007), Бæгæныфыцæн завод "Бавария"-йы генералон директор, РЦИ-А парламенты цыппæрæм æмæ фæндзæм æрсидтты депутат. У фракци " Единая Россия"-йы уæнг.
