Французаг дипломат балæууыд "Беслæны мæдты" фарс терроризмы ныхмæ тохы

© Sputnik / Казбек Басаев /  Ахизын медиабанкмæБеслæн
Беслæн - Sputnik Хуссар Ирыстон
Рафыссын
Николя де Лакоста балæууыд "Беслæны мæдты" идейæйы фарс терроризмы ныхмæ тохы фæдыл æхсæнадæмон центр саразыныл.

ЦХИНВАЛ, 28 сен — Sputnik. Уӕрӕсейы уӕвӕг Францы минæварады фыццаг уынаффæгæнæг Николя де Лакоста балæууыд "Беслæны мæдты" идейæйы фарс, цæмæй раздæры 1-æм скъолайы фарсмæ арæзт æрцæуа терроризмы ныхмæ тохы фæдыл æхсæнадæмон центр, хъусын кæны 15 регион.

Цæгат Ирыстонмæ Николя де Лакоста фæуазæг УФ президенты цур республикæйы æххæстбарджын минæвар Икъоты Бэлæйы фæхуындмæ гæсгæ. Аэропорты уазæгыл сæмбæлдысты минæварады кусджытæ æмæ "Беслæны мæдты" комитеты уæнгтæ Дудиты Сусанна æмæ Гæдиаты Анета.

Французаг дипломат бирæ рæстæг арвыста Беслæны 1-аг скъолайы, цыран фембæлд теракты зианбаййафджытимæ æмæ ныууагъта фыст мысæн чиныджы. Фӕстаг ӕзты дæргъы Франц æрвылаздæр арæзта сывæллæттæн экскурсион балцтæ. Ацы аз Францы уыдысты 30 беслайнаг скъоладзауы.

Николя де Лакоста фæнд кæны бабæрæг кæнын цæгатирыстойнаг культурæйы цыртдзæвæнтæ æмæ историкон бынæттæ.

Ног хабӕртты лентӕ
0