ЦХИНВАЛ, 30 сен — Sputnik. Ирыстойнаг спортсмен Гусаты Таймураз дунеон ерысты джиу-джитсуйæ ссис æвзист майданы хицау, хъусын кӕны ПТРК "Алания".
Ерыстӕ уагъд цыдысты Босни ӕмӕ Герцеговинайы. Ирон богал ивгъуыд аз ацы ерысты ссис уӕлахиздзау.
"Гусаты Таймураз хæцыд 60 килограммы уæзы. Финалы размæ рамбылдта цыппар ныхмæлæууæджы. Не ‘мзæххон тырныдта, цӕмӕй фаронау суа уæлахиздзау, фæлæ кæронбæттæн фембæлды 4:8 хыгъдæй фæхæрд уæрæсейаг спортсмен Даниэль Шарковкинæн", — дзырдӕуы хъусинаджы.
Чемпионаты ацы уӕзы категорийы тох кодтой 25 спортсмены. Гусаты Таймураз у тренер Дзитойты Артуры хъомылгӕнинаг.
