ЦХИНВАЛ, 2 окт — Sputnik. Дунейон ӕфсӕддон ерысты архайгӕйӕ уӕгъдибар хъӕбысхӕстӕй Уӕрӕсейы ӕмбырдгонд командӕйы аст спортсменӕй фондз сты ирӕттӕ, хъусын кӕны 15 регион.
VI дунейон ӕфсӕддон ерыстӕ цӕуынц Хуссар Кореяйы горӕт Мунгенейы. Ерыстӕ райдыдтой майрӕмбоны ӕмӕ ахӕсдзысты 13 октябрмӕ.
"ӔЦСК-ы тренерты къорд спортивон хъӕбысхӕсты ӕмбырдгонды скондмӕ бахаста ивындзинӕдтӕ. Олимпиаг хъӕзтыты призер Денис Царгушӕн йӕ бон кӕй нӕу тавмӕйы фӕстӕ ерысты хайад исын, уымӕ гӕсгӕ 74 килограммы уӕзы Уӕрӕсейы спортивон кад хъахъхъӕндзӕн дунейы чемпион Цӕболты Хетӕг, 70 килограммы уӕзы та Рӕмонты Сослан", — дзырдӕуы хъусинаджы.
Афтӕ ма Уӕрӕсейы спортивон кад дунейон ерысты хъахъхъӕнынц Гацалты Хаджимурӕт, Тускъаты Азӕмӕт ӕмӕ Байцаты Владислав.
