ЦХИНВАЛ, 2 окт — Sputnik. Цӕгат Ирыстоны минӕвӕрттӕ Сочийы 14-æм инвестицион форуммӕ бавдыстой 12 миллиард сомы аргъ авд проекты, хъусын кӕны ПТРК "Алания".
Инвестицион форум арæзт æрцыд Олимпаг парчы сæйраг медиацентры. Форумы архайынц Уæрæсейы регионтæ, стæй æндæр паддзахӕдты минæвæрттæ.
"Цӕгат Ирыстон форуммæ аласта авд проекты. Архайджытæн форумы сæ бон у ахсджиаг инвестицион бадзырдтæ бафыссын. Сæ проекттæ ма презентаци кæнынц организацитæ "Цæгат Кавказы курорттæ" æмæ "Цæгат Кавказы райрæзты корпораци" дæр ", — дзырдӕуы хъусинаджы.
Инвестицион форум йӕ куыст райдыта цыппӕрӕмы, 1 октябры. Цæгат Кавказы федералон зылдæй форумы архайы ӕртӕ субъекты — Дагъыстан, Мæхъæлы Республикæ æмæ Цæгат Ирыстон.
