ЦХИНВАЛ, 6 окт — Sputnik. Зынгӕ ирон тренер Черчесты Станислав бафыста контракт варшаваг футболон клуб "Легия"-имӕ, бадзырдмӕ гӕсгӕ уый къухдариуӕгад кӕндзӕн клубӕн дыууӕ азы дӕргъы, хъусын кӕны 15 регион.
Черчесты Станислав раздӕр лӕууыд Мӕскуыйаг футболон клубтӕ "Спартак" ӕмӕ "Динамо"-йы сӕргъ.
"Ацы бынаты Черчесты Станислав раивта норвегийаг тренер Хеннинг Бергы. Скандинаваг специалисты ном хъуыстгод у, куыд "Манчестер Юнайтед"-ы номдзыд хъазӕг, афтӕ. Польшайы чемпионаты фӕстаг аст туры "Легия"-йӕн ӕрӕмӕстдӕр иу уӕлахиз бафтыд йӕ къухы", — дзырдӕуы хъусинаджы.
Черчесты Станислав "Динамо"-йы сӕйраг тренеры бынатӕй сӕрибар ӕрцыд июлы 2015 азы. Райгуырд 2 сентябры 1963 азы Цӕгат Ирыстоны горӕт Алагиры. У Уӕрӕсейы спорты сгуыхт кусӕг.
