ЦХИНВАЛ, 6 окт — Sputnik. Хуссар Ирыстоны 2015 азы 15-30 октябры уагъд цӕудзӕн иууыл ахсджиагдӕр цаутӕй сӕ иу — Цӕрджыты иумӕйаг сфыст.
Мадзалы хӕдразмӕ Паддзахадон статистикӕйы управление бацӕттӕ кодта информацион хъусынгӕнинаг.
Информацион хъусынгӕнинаг
Банысангонд бонты сымахмӕ хӕдзармӕ ӕрбацӕудзӕн сфыстуадзӕг. Цалынмӕ йӕ уӕ хӕдзармӕ бауадзат, уӕдмӕ уал ын фенут йӕ паспорт ӕмӕ сфыстуадзӕджы бӕлвырдгӕнӕн. Бинонтӕй алы адӕймаджы дзуаппытӕ фысгӕйӕ, уый байдзаг кӕндзӕн сфыстуадзӕн сыф, кӕцы дарддӕр ӕрӕвӕрдзӕн бындур ӕппӕт ӕнӕмӕнгхъӕуӕг бахыгъдтӕн ӕмӕ бӕрӕггӕнӕнтӕн.
Курӕг уӕ стӕм, цӕмӕй ацы хъуыддагмӕ уӕлӕнгай ахаст ма равдисат.
Хайад райсут Цӕрджыты иумӕйаг сфысты! Уый ахсджиаг хъуыддаг у!
