Хуссар Ирыстоны Ленингоры районы уагъд æрцыд ирон бæгæныйы дыккаг æхсæнадæмон фестиваль-конкурсы æвзæрстон этаптæй иу.
Ирон бæгæныйы конкурс уагъд цæуы цалдæр азы фæд-фæдыл. Ссис æхсæнадæмон, хайад дзы исынц бæгæныхсидджытæ æрмæст Ирыстонæй нæ, фæлæ ма Хъæрæсе-Балхъарæй дæр.
Алы хайадисæджы фынгыл дæр бæгæныйы нуазæнæй дарддæр уыд æртæ уæлибæхы, фых дзидза, хæдзарон арахъхъ, дзыкка, сой,къæдор,цыхт, бынæттон дыргътæ æмæ халсартæ.
Уæлахиз бафтыд фестивалы иууыл æрыгондæр хайадисæг — Дзауы районы Кърозы хъæуы цæрæг, 35-аздзыд Дыгъуызты Ульянæйы къухты. Уымæн лæвæрд æрцыд 15 мин сомы æмæ фестивалы финалы хайад райсыны фадат, кæцы уагъд æрцæудзæн Цæгат Ирыстоны октябры кæрон.
1/13
© Sputnik / Ада Багиан
Алкæцы хайадисæджы фынгыл дæр бæгæныйы нуазæнæй дарддæр уыд традицион æртæ уæлибæхы æмæ ирон къæбицы æндæр хæринæгтæ.
2/13
© Sputnik / Ада Багиан
Кæцыдæр хæринæгтæ цæттæ кодтой бынаты.
3/13
© Sputnik / Ада Багиан
Цхинвалы районы Дменисы хъæуы минæвæртты фынг.
4/13
© Sputnik / Ада Багиан
Бæгæны æмæ ирон хæринæгтæй ацаходыны фадат уыд фестивалы алкæцы уазæгæн дæр.
5/13
© Sputnik / Ада Багиан
Раст арæзт дзыкка хъуамæ ивæза "уæлæвæртæм".
6/13
© Sputnik / Ада Багиан
Дзауы район, кæцы фарон уыд фестивалы фысым, æрласта Ленингормæ йæ бæгæны.
7/13
© Sputnik / Ада Багиан
Бæгæныйы дæснытæ дегустаци кæнынц бæгæны æмæ йын аргъ кæнынц цалдæр параметрмæ гæсгæ.
8/13
© Sputnik / Ада Багиан
Æдæппæт конкурсы хайад райстой 13 бæгæныхсидæджы Хуссар Ирыстоны алы районæй дæр.
9/13
© Sputnik / Ада Багиан
Нозт æмæ хæринæгты дегустацийы æхсæн уазджытæн æвдыст цыд концертон программæ.
10/13
© Sputnik / Ада Багиан
Хуссар Ирыстоны конкурсы уæлахиздзау хайад райсдзæн РЦИ-А фестивалы финалы.
11/13
© Sputnik / Ада Багиан
Бæрæгбон æрбамбырд кодта уазджыты республикæйы алы районтæй.
12/13
© Sputnik / Ада Багиан
Уазджытæ цин кæнынц хуыздæр бæгæныхсидæгыл.
13/13
© Sputnik / Ада Багиан
Æртæ призон бынæттæ чи бацахста, уыдонæн лæвæрд æрцыд æхцайы премитæ.
