ЦХИНВАЛ, 9 окт — Sputnik. Хуссарирыстойнаг хæдтулæгскъæрджытæн фæзынд фадат УФ-йы территоримæ сæ транспортон фæрæзы баласты тыххæй документ иу азмæ райсын, фехъусын кодта Sputnik республикæйы паддзахадон таможнæйон комитеты сæргълæууæг Цхуырбаты Мурæт.
"Ног уагæвæрд архайын райдыдта знонæй. Хæдтулгæскъæрджытæн транспортон фæрæзы баласты тыххæй Зæрæмæджы документ æвиппайды лæвæрд æрцæуы иу азмæ. Æнæмæнгхъæуæг домæн у Хуссар Ирыстоны æмбæстаджы паспорты уæвынад æмæ иудадзыг республикæйы цæрын ", — загъта Цхуырбаты Мурæт.
Раздæр УФ-йы территоримæ транспортон фæрæзы баласты тыххæй документ йæ тыхы уыд æрмæстдæр æртæ мæйы. Æртæ мæйы фæстæ, рæстæгмæ баласты документы адарддæры тыххæй, хæдтулгæты хицæутты хъуыд паддзахадон арæныл ахизын.
