ЦХИНВАЛ, 14 окт — Sputnik, Козаты Диана. Хуссар Ирыстоны парламент æртыццæджы сратификаци кодта уголовон хъуыддæгты фæдыл ӕмгуыстады бадзырд Уӕрӕсеимӕ.
Документыл къухтæ бафыстӕуыд ивгъуыд азы октябры мӕйы. Уый рагхыгъд кæны æмгуыстад, кæцы ахъаз уыдзæн фыдракæндты ныхмæ эффективон тохы хъуыддагæн куыд Хуссар Ирыстоны, афтæ Уæрæсейы дæр.
УФ-йы президент Владимир Путин 3 октябры бахаста документ Паддзахадон Думæмæ бадзырд сратификаци кæныны тыххæй.
Бадзырды нысан у уæрæсейаг-хуссарирыстойнаг æмгуыстады æхсæнадæмон-барадон бындур сфидар кæнын æмæ уголовон хъуыддæгты иртасыны фæдыл кæрæдзийæн æххуыс кæнын.
