ЦХИНВАЛ,19 окт — Sputnik. Хуссар Ирыстоны ӕвзонг спортсменты ӕхсӕн уагъд ӕрцыдысты уӕгъдибар хъӕбысхӕст ӕмӕ самбойӕ ерыстӕ, фехъусын кодтой Sputnik фӕсивӕдон политикӕ, спорт ӕмӕ туризмы фӕдыл комитеты пресс-службӕйы.
Турнир ацыд Цхинвалы, хайад дзы райстой Цӕгат ӕмӕ Хуссар Ирыстоны спортсментӕ. Хайадисджыты кары категори уыд 2004 азӕй фӕстӕмӕ гуырд хъӕбысӕйхӕцджытӕ.
"Уӕгъдибар хъӕбысхӕцджытӕ ерысты равдыстой хорз цӕттӕдзинад ӕмӕ уӕлахизмӕ тырнындзинад. Турниры уӕлахиздзаутӕ ӕмӕ призертӕ райстой зӕрдылдарӕн лӕвӕрттӕ ӕмӕ хорзӕхджын ӕрцыдысты кубоктӕ ӕмӕ грамотӕтӕй", — радзырдтой пресс-службӕйы.
Ерыстӕн организацигонд ӕрцыдысты РХИ Мидхъуыддӕгты министрады сӕрмагонд нысаниуӕджы къорды тыхтӕй. Турнир хӕссы къорды раздӕры командир, зынгӕ спортсмен ӕмӕ 1990-ӕм ӕзты Гуырдзыстоны ныхмӕ хӕстон цауты активон архайӕг Сиукъаты Темойы ном.
