ЦХИНВАЛ, 20 окт — Sputnik. Тыбылты Леонид схорзӕхджын кодта Владислав Сурковы Хӕларады Орденӕй, фехъусын кодтой Sputnik паддзахады сӕргълӕууӕджы пресс-службӕйы.
УФ президенты ӕххуысгӕнӕг фӕуазӕг Хуссар Ирыстонмӕ дыууӕбонон кусӕгон балцы. Къуырисӕры уый бабӕрӕг кодта, социалон-экономикон райрӕзты Инвестицион нывӕзты фӕлгӕтты цы объекттӕ арӕзт цӕуынц, уыдон. Афтӕ ма президент ӕмӕ хицауадимӕ ӕруынаффӕ кодтой Хуссар Ирыстон ӕмӕ Уӕрӕсейы Федерацийы ӕхсӕн ахастытӕ райтынг кӕныны фӕдыл.
Сурков банысан кодта, ацы хорзӕх ӕй кӕй цырын кӕны дарддӕры куыстмӕ.
"Уый у ӕнӕнхъӕлӕджы хорзӕх, мӕнмӕ афтӕ кӕсы, ӕмӕ мӕм ӕххӕстӕй не ‘мбӕлд. Разӕй нӕм ӕнхъӕлмӕ кӕсы бирӕ куыст ӕмӕ ма ацы бӕрзонд хорзӕх цырын кӕны дарддӕры куыстмӕ", — загъта Уӕрӕсейы президенты ӕххуысгӕнӕг.