ЦХИНВАЛ, 21 окт — Sputnik. Цæгат Ирыстоны Хетӕгкаты Къостайы номыл паддзахадон университет ацы аз нысан кæны йæ 95 азы юбилей, хъусын кӕны 15 регион.
Бæрæгбоны мадзæлттæ æххæстгæнгæйæ университеты концертон залы фойæйы кад кодтой, ахуыргæнæндоны истори баст кæимæ у, уыцы ветерантæн.
"Æмбырды архайдтой университеты разамынд æмæ æрыгон ахуыргæнджытæ. Сæйраг нысӕнттæй иу у — фæлтæрты бастдзинад. Ветерантæ дзырдтой сæ мысинæгтæ, университеты цардæй ист цаутæ æмæ педагогы дæсниады ахадындзинадыл", — дзырдӕуы хъусинаджы.
Юбилейы цытӕн арӕзт ӕрцыд цалдӕр равдысты дӕр. Бацæттæ сæ кодтой хицæн студенттæ, факультеттæ æмæ ансамблы сфæлдыстадон къорд.
Зæронд къамтæй конд экспозицийы та фенæн ис, Ирыстоны ахуырады истори кæмæй райдыдта æмæ йæхæдæг университеты историйы хай чи ссис, ахæм адæмы хуызистытæ.
