ЦХИНВАЛ, 21 окт — Sputnik. Хуссар Ирыстоны минӕвар Уӕрӕсейы Федерацийы Гасситы Знауыры хъӕппӕрисӕй 21 октябры уагъд ӕрцыд фембӕлд Республикӕ Перуйы минӕвар Уӕрӕсейы Федерацийы Умберто Умерес Альваресимӕ, хъусын кӕны Минӕварады сайт.
Фембӕлд ацыд хӕларадон уавӕры, дыууӕ минӕвары ӕрдзырдтой бирӕ ахсджиаг фарстытыл, сӕрмагондӕй та кӕрӕдзийӕн пайдахӕссӕг куысты аспектты реализаци кӕныныл ӕмӕ ӕддагон политикӕйыл.
"Фембӕлды рӕстӕджы Гасситы Знауыр банысан кодта, Хуссар Ирыстон кӕй у цӕттӕ Перуимӕ алыварсон ахастыты райрӕзтыл бакусын. Ӕрдзырдӕуыд ӕхсӕнпаддзахадон ӕмгуыстады практикон аспектты перспективӕтыл дӕр", — дзырдӕуы хъусинаджы.
Гасситы Знауыр бузныг загъта Умберто Умересӕн хъарм ахасты тыххӕй ӕмӕ йӕ фӕхуыдта Мӕскуыйы уӕвӕг Хуссар Ирыстоны дипломатон миссимӕ, афтӕ ма минӕварӕн фадат куы фӕуа, уӕд фӕуазӕг уа Хуссар Ирыстонмӕ.
Республикӕ Перуйы минӕвар дӕр бузныг загъта Хуссар Ирыстоны минӕварӕн йӕ фӕхуынды тыххӕй ӕмӕ фидарӕй загъта, дыууӕ бӕстӕты алыварсон ӕмгуыстад ӕвӕрццагӕй кӕй бандавдзӕн Республикӕ Хуссар Ирыстон ӕмӕ Республикӕ Перуйы ӕмахастыты райрӕзтыл.
