ЦХИНВАЛ, 26 окт — Sputnik. Уӕрӕсейы уӕгъдибар хъӕбысхӕсты тренерон штаб сфидар кодта бӕстӕйы командӕйы сконд Европӕйы нациты кубок рамбулыны ерыстӕм. УФ командӕйы скондмӕ бацыд 16 спортсмены, уыдоны ӕхсӕн ӕртӕ ироны — Хуыгаты Алан, Байцаты Владислав ӕмӕ Уалыты Владислав, хъусын кӕны 15 регион.
"Командӕйы скондмӕ фылдӕр бӕрцӕй бахаудысты Уӕрӕсейы 2015 азы чемпионаты призертӕ, кӕцытӕ нырмӕ Европӕйы ӕмвӕзадыл нӕ тох кодтой", — дзырдӕуы хъусинаджы.
Уӕрӕсейы командӕйы сконды цы ӕртӕ ирон спортсмены архайы, уыдонӕй дыууӕ — Хуыгаты Алан ӕмӕ Байцаты Владислав архайынц 125 кг уӕзы.
Европӕйы нациты кубок рамбулыны ерыстӕ уӕгъдибар хъӕбысхӕстӕй цӕудзӕн 6-8 ноябры Мӕскуыйы.
