ЦХИНВАЛ, 26 окт — Sputnik. Хуссар Ирыстоны паддзахадон арæн фехалыны тыххæй ивгъуыд къуыри арæнхъахъхъæнджытæ æрурæдтой фондз гуырдзыстойнаг æмбæстаджы, фехъусын кодтой Sputnik Паддзахадон æдасдзинады комитеты (ПÆК) пресс-службæйы.
Ивгъуыд къуыри уæрæсейаг арæнхъахъхъæнджытæ æрурæдтой цыппар арæнхалӕджы — гуырдзыстойнаг æмбæстæгты. Куыд рабæрæг, афтæмæй сæ иу арæн асаста дыккаг хатт.
"Хуссар Ирыстоны паддзахадон арæныл, Знауыры районы Иончайы хъæуы цур 22 октябры арæнхъахъхъæнджытæ æрурæдтой Гуырдзыстоны Карелы районы Аулеуы хъæуы 30-аздзыд цæрæджы. Уый рахызт Гуырдзыстоны арæны сæрты æмæ Хуссар Ирыстоны территорийыл уыд æнæзакъонæй", — загъта ПÆК-ы минæвар.
Æрурæды рæстæджы арæнсæттæгмæ ницы документтæ разынд.
Ведомствӕйы куыд банысан кодтой, афтæмæй уыцы бон арæнсæттæджы фæхæццæ кодтой ПÆК-ы арæнгæрон службæмæ дарддæры равзæрсты тыххæй.
"Дыккаг бон, 23 октябры, Хуссар Ирыстон æмæ Гуырдзыстоны æхсæн паддзахадон арæны фадгуытыл, Ленингоры районы Орчъосан æмæ Цъинагары хъæуты цур арæнхъахъхъæнджытæ æрцахстой цыппар гуырдзыстойнаг æмбæстаджы", — фехъусын кодтой ПÆК-ы.
Ныртæккæ ПÆК-ы арæнгæрон службæ скъуыддзаг кæны æрмæджытæ тæрхондонмæ арвитыны фарст.
