ЦХИНВАЛ, 27 окт-Sputnik. УФ Хъахъхъæнынады министрады комплексон къамис райдыдта Хуссар æфсæддон зылды, Сомихстон, Абхаз æмæ Хуссар Ирыстоны уæвæг æфсæддон базæты басгæрст.
"Уæлдай хъусдард басгæрсты рæстæджы здæхт æрцæудзæн радгæсон къордты, хъарагъулы резервон къордты æмæ зынгхуыссынгæнæн командæйы цæттæдзинадмæ", — дзырдæуы Хуссар æфсæддон зылды пресс-службæйы хъусинаджы.
Хъусинаджы дзырдæуы, æфсæддонтæ бакæнгæ куыстæн æрмæст аргъ æмæ анализ не `скæндзысты, фæлæ ма феххуыс кæндзысты командиртæн сæ дæлхæйтты куыст организаци кæнынæн.
