ЦХИНВАЛ, 27 окт — Sputnik. Зындгонд боксер, престижон верситæм гæсгæ æмæ алыгъуызон уæзы категориты дунейы бирæхæттыты чемпион Рой Джонс дыццæджы Мæскуыйы райста Уæрæсейы Федерацийы æмбæстаджы паспорт.
Официалон церемони уагъд æрцыд УФ Федералон миграцион службæйы сæйраг офисы. Паспорт Рой Джонс айста УФ ФМС-йы æмбæстагады фарстыты фæдыл управленийы минæвар Геннадий Демьянченкойы къухæй.
АИШ-ы райгуырӕг Рой Джонсæн æмбæстагад лæвæрд æрцыд УФ президент Владимир Путины указæй 12 сентябры.
12 декабры Джонс Мæскуыйы ауаддзæн WBA (Super) чемпионы номы тыххæй тох.
Рой Джонс у 1988 азы Олимпиадæйы æвзист призер æмæ раздæры дунейы абсолютон чемпион.
